走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 47:1 | 巴比倫的在室女啊，落來坐佇塵埃；迦勒底的查某囝仔啊，無座位，著坐佇土腳；因為你無閣稱做軟茈幼秀的。 |
|---|---|
| 47:2 | 著用石磨磨麥，除去你的帕，褪你的長衫，露現你的腳腿徛過溪。瞭 |
| 47:3 | 你的下體欲露現；你的見誚欲互人看見。我欲報仇，無寬容一人。 |
| 47:4 | 救贖阮的主伊的名是萬軍的耶和華──是以色列的聖者。 |
| 47:5 | 迦勒底的查某囝仔啊，你著靜靜坐，入佇暗中，因為你無閣稱做列國的主母。 |
| 47:6 | 我受氣我的百姓，我互我的產業受凌辱，將𪜶交佇你的手，你攏無憐憫𪜶，將你極重的軛掛佇老人的身上。 |
| 47:7 | 你家己講：我欲永永做主母，所以你無將諸個事掛佇心裡，亦無想伊的結局。 |
| 47:8 | 你此個宴樂，安然坐的，今著聽此個話。你心內講：只有我，我以外無別個。我的確無致到守寡，亦無抵著死子的事。 |
| 47:9 | 總是，死子、守寡此二件事佇一日目徛久的中間欲臨到你；佇你行多多邪術，大大畫符唸咒的時，此二項事欲全然臨到你。 |
| 47:10 | 你平素倚靠你的歹，講：無人看見我。你的智慧聰明迷惑你，閣你心內講：只有我，我以外無別個。 |
| 47:11 | 因為按呢，災禍欲臨到你；你呣知對叨落來，災害到佇你，你亦𣍐會除去；所以呣知的毀滅亦欲忽然臨到你。 |
| 47:12 | 著起來徛！用你的邪術及你多多的符咒，就是對你少年所著磨學習的；豈採會得著利益，抑是得著卡贏。 |
| 47:13 | 你的計劃太多，致到厭倦。今互許個觀天象者，看星辰者，佇月初講讖語者，攏起來，救你脫離所欲臨到你的事。 |
| 47:14 | 看啊，𪜶欲親像草仔受火燒，𣍐會救家己脫離火焰的力；亦無火炭通烘燒，亦無火通坐佇伊的面前。 |
| 47:15 | 你所著磨學習的事對佇你攏欲親像按呢；對你少年的時及你做生理的亦逐人倒去伊的本所在，無人救你。 |
