走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 31:1 | 有災禍啊！許個落去埃及求幫助者，𪜶倚靠馬亦倚靠車，因為伊多，倚靠馬兵，因為伊強，總是無意向以色列的聖者，亦無求耶和華。 |
|---|---|
| 31:2 | 耶和華其實有智慧；伊欲降災禍，無收倒轉伊的話，欲起來攻擊許個歹人的家，閣攻擊許個幫助人做歹者。 |
| 31:3 | 埃及人不過是人，呣是上帝；𪜶的馬不過是肉，呣是神。耶和華一下伸手，彼個幫助人者欲觸著，彼個受幫助者欲跋倒，攏相及滅無。 |
| 31:4 | 因為耶和華對我按呢講：親像獅及細隻獅顧伊所抓著的物就噤噤哮，雖然召集多多牧者來攻擊伊，伊攏無因為𪜶的聲來驚惶，亦無因為𪜶的喧嘩來屈服。親像按呢，萬軍的耶和華欲臨到，交戰佇錫安山及伊的山嶺。 |
| 31:5 | 親像鳥展開翅，按呢萬軍的耶和華欲保護耶路撒冷。閣保護伊閣牽救伊，閣𨃟過來救伊。 |
| 31:6 | 以色列的子孫啊，恁所深深悖逆的，今著歸向伊。 |
| 31:7 | 因為到彼日，逐人欲將伊銀的偶像，金的偶像，就是恁的手所造、陷落恁佇罪者，攏放拺伊。 |
| 31:8 | 亞述人欲死佇刀下，呣是對佇人；亦呣是平常人的刀欲滅伊。伊欲對刀的面前來逃閃；伊的少年人欲做苦工。 |
| 31:9 | 伊的石磐欲因為驚惶來無去；伊的首領欲因為大旗來驚惶。這是彼個有火佇錫安、有爐佇耶路撒冷的耶和華講的。 |
