走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 39:1 | 當時，巴比倫王巴拉但的子米羅達．巴拉但聽見希西家曾破病，就送批信及禮物互希西家。 |
|---|---|
| 39:2 | 希西家因為使者來歡喜，就將伊囥寶物的厝，金、銀、香料、貴氣的油，及伊的軍藏局，及府庫內一切所有的攏互𪜶看；伊的家中及全國的內面，希西家無一項無互𪜶看。 |
| 39:3 | 對按呢先知以賽亞來見希西家王，問伊講：諸個人講甚麼？𪜶對叨落來見你？」希西家講：「𪜶對遠遠的所在就是對巴比倫來見我。」 |
| 39:4 | 以賽亞講：「𪜶佇你的家看見甚麼？」希西家講：「凡若我家中所有的，𪜶攏有看見；我的財寶的中間無一項無互𪜶看見。」 |
| 39:5 | 以賽亞對希西家講：「你著聽萬軍的耶和華的話： |
| 39:6 | 看啊，日子欲到，凡若你家內所有的，及你的列祖積聚到現今的攏欲受搶到巴比倫，無留一項；這是耶和華講的。 |
| 39:7 | 閣對你本身生的子孫，其中有的欲受掠去，佇巴比倫的王宮當太監。」 |
| 39:8 | 希西家對以賽亞講：「你所傳耶和華的話是好。」閣講：「因為佇我年日的中間欲有太平及堅固。」 |
