走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 24:1 | 看啊，耶和華互地空虛，變做拋荒；閣將大地翻輪轉，互徛起的百姓四散。 |
|---|---|
| 24:2 | 彼時百姓怎樣，祭司亦是按呢；奴僕怎樣，主人亦是按呢；女婢怎樣，主母亦是按呢；買物者怎樣，賣物者亦是按呢；放債者怎樣，借債者亦是按呢；提利息者怎樣，出利息者亦是按呢。 |
| 24:3 | 地欲做一下空虛，攏抵著搶劫；因為此個話是耶和華講的。 |
| 24:4 | 地上悲哀衰退，世界腐敗衰退；地上踮佇高位的人亦腐敗。 |
| 24:5 | 地互徛起彼個頂面的百姓拍垃墋；因為𪜶犯著許個律法，廢無律例，悖謬永遠的約。 |
| 24:6 | 所以，地互咒詛吞滅；徛起佇彼頂面者受擬罪。地上徛起的百姓受燒，所剩的人少少。 |
| 24:7 | 新的酒悲哀，葡萄樹毀壞；心內快樂者攏總吐氣。 |
| 24:8 | 拍鼓的快樂靜靜；宴樂者的聲音攏息，彈琴的快樂亦靜靜。 |
| 24:9 | 𪜶𣍐得著唱歌飲酒；厚酒對佇飲的人，欲成做苦。 |
| 24:10 | 拋荒的城已經拆毀；逐間厝攏關門，人攏𣍐得入。 |
| 24:11 | 佇街路因為酒有悲哀的聲；一切的歡喜變做黑暗；地上的快樂攏無去。 |
| 24:12 | 城內已經拋荒；城門攏毀壞。 |
| 24:13 | 因為佇地上萬百姓的中間，欲親像拍過了的橄欖樹，閣親像葡萄挽了猶剩的一樣。 |
| 24:14 | 諸個人欲出大聲欲歡喜叫；𪜶為著耶和華的威嚴，對海裡來喉叫。 |
| 24:15 | 因為按呢，恁著佇東方榮光耶和華；佇諸個海嶼榮光耶和華──以色列上帝的名。 |
| 24:16 | 阮聽見對地極有人唱歌，講：榮光歸佇義的人。總是我講：我消滅啦！我消滅啦，我有災禍啊！詭詐的行詭詐；詭詐的大行詭詐。 |
| 24:17 | 地上徛起的百姓啊，驚惶、陷坑、活罩攏臨到你。 |
| 24:18 | 閃避驚惶者聲的欲跋落陷坑；對陷坑起來者欲互活罩罩著；因為天頂的窗仔攏開，地的根基也振動。 |
| 24:19 | 地做一下破壞，地一盡崩裂，地大大搖泏。 |
| 24:20 | 地欲顛顛倒倒，親像酒醉的人；閣搖來搖去，親像吊床。罪過重重壓𪜶，的確倒落去，𣍐會閣起來。 |
| 24:21 | 到彼日，耶和華佇高的所在責罰高的所在的眾軍兵，佇地上欲責罰地上的列王。 |
| 24:22 | 𪜶欲受聚集，親像犯人受聚集佇陷坑，亦欲受關佇監內，多多日了後，就欲有臨到𪜶者。 |
| 24:23 | 彼時，月欲見誚，日欲漏氣；因為萬軍的耶和華欲佇錫安山，佇耶路撒冷做王；佇伊的長老的面前，欲有榮光。 |
