走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 3:1 | 看啊，因為主──萬軍的耶和華對耶路撒冷及猶大，除去𪜶所倚靠的，所依倚的，就是所倚靠的米糧，所倚靠的水； |
|---|---|
| 3:2 | 除去勇士及戰士，審判官及先知，占卜者及長老， |
| 3:3 | 五十夫長及尊貴的人，謀士及巧的師傅，以及𠢕行法術的。 |
| 3:4 | 我欲互囝仔做𪜶的領袖，互嬰仔管轄𪜶。 |
| 3:5 | 百姓欲大家相壓制；逐人受厝邊的壓制。少年人欲侮慢老人；卑賤的人欲侮慢尊貴的人。 |
| 3:6 | 人欲佇伊的老父的家搝伊的兄弟，講：你有衣服，著做阮的官長。此個倒壞的景況通歸你的手料理！ |
| 3:7 | 彼時，伊欲大聲講：我無欲做醫治恁的；因為我的家無米糧，也無衣服，恁呣通設立我做百姓的官長。 |
| 3:8 | 耶路撒冷衰敗，猶大倒壞；因為𪜶的嘴舌以及行做及耶和華反對，惹著伊榮光的目睭。 |
| 3:9 | 𪜶的面色干證家己的無正直；𪜶講起家己的罪惡，並無隱瞞，親像所多瑪一樣。𪜶有災禍啊！因為𪜶家己取災害。 |
| 3:10 | 論義人恁著講：伊有福氣，因為欲食家己行做所結的果子。 |
| 3:11 | 歹人有災禍啊！伊欲抵著災難！因為欲照伊所行的受報應。 |
| 3:12 | 論到我的百姓，囝仔壓制𪜶，婦仁人管轄𪜶。我的百姓啊，引導你的互你行差錯，閣毀壞你所行的道路。 |
| 3:13 | 耶和華起來爭辯，徛啲審判許個百姓。 |
| 3:14 | 耶和華欲審問伊百姓中的長老及𪜶的領袖，講：食了葡萄園的果子的就是恁；對喪鄉人所搶的攏佇恁的家。 |
| 3:15 | 恁啥事壓制我的百姓，掃喪鄉人的面皮？這是主──萬軍的耶和華講的。 |
| 3:16 | 耶和華閣講：因為錫安許個查某子驕傲，行路頷頸伸長長，看人使目尾，跕腳行，腳環鏗鏘哮， |
| 3:17 | 所以，主欲互錫安許個查某子臭頭堅疕（phi）；耶和華閣互𪜶赤身露體。 |
| 3:18 | 到彼日，主欲除去𪜶娞的腳環、頭毛網、月簪、 |
| 3:19 | 耳環、手鐲、罩面的帕、 |
| 3:20 | 花帽、腳鍊、花帶、香盒、符袋、 |
| 3:21 | 手指、鼻環、 |
| 3:22 | 禮服，外套、披肩、荷包、 |
| 3:23 | 手鏡，幼苧衫、包頭的巾、遮身軀的帕。 |
| 3:24 | 欲有臭氣來替芳味，索仔來替腰帶，頭殼光裸裸來替娞的頭毛，麻布縖腰來替娞的衣服，用火的灸傷來替伊娞的面貌。 |
| 3:25 | 你的查甫丁欲倒佇刀下；你的勇士欲死佇戰陣。 |
| 3:26 | 伊的城門欲悲傷、哀叫；伊欲冷靜坐佇土腳。 |
