走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 26:1 | 當彼日，佇猶大地，人的確唱此個歌講：阮有堅固的城。伊欲用救恩立做城牆，做外重城。 |
|---|---|
| 26:2 | 著開諸個門，互守信實、義的百姓得著進入。 |
| 26:3 | 堅心倚靠你的，你欲保守伊十分平安，因為伊倚靠你。 |
| 26:4 | 恁著倚靠耶和華直到永遠，因為主耶和華是永遠的石磐。 |
| 26:5 | 伊互踮佇高的所在者及高的城做一下敗落去，伊欲捙倒伊佇地裡，落到塵埃， |
| 26:6 | 腳欲徛踏伊，就是喪鄉人的腳，困苦的人的腳步。 |
| 26:7 | 義人路是正直；你正直的啊，修平義人的路。 |
| 26:8 | 耶和華啊，阮佇你審判的路聽候你；阮的心所欣慕者，是你的名及記念你。 |
| 26:9 | 我用我的心，暝間欣慕你；亦用我的神，天光早尋你。因為你審判世上的時，就地上的百姓欲學習義。 |
| 26:10 | 用恩惠款待歹人，伊猶原呣學習義；佇正直的地方，伊欲行不義，亦無注意耶和華的威嚴。 |
| 26:11 | 耶和華啊，你的手抬高，𪜶猶原呣看；𪜶欲看見你為著百姓的熱心，來見誚，閣有火燒滅你的對敵。 |
| 26:12 | 耶和華啊，你欲注定阮得著平安，因為阮所做一切的事攏是你給阮成的。 |
| 26:13 | 耶和華──阮的上帝啊，你以外曾有別個主管轄阮，總是阮欲專專倚靠你，記念你的名。 |
| 26:14 | 𪜶死了，的確𣍐會復活；𪜶的陰魂，𣍐閣起來；因為你臨到𪜶，剿滅𪜶，互𪜶的名攏無去。 |
| 26:15 | 耶和華啊，你加添國民，你加添國民；你得著榮光，閣開闊此個地四面的境界。 |
| 26:16 | 耶和華啊，𪜶佇患難中尋你；你的警戒到𪜶身上，𪜶就傾心祈禱你。 |
| 26:17 | 親像婦仁人懷孕，欲生的時，就攪絞佇痛苦的時喉叫；耶和華啊，阮佇你的面前亦是按呢。 |
| 26:18 | 阮亦曾懷孕曾攪絞，所生者竟然親像風。阮佇地裡未曾行甚麼拯救的事；世上徛起的百姓亦無跋落。 |
| 26:19 | 你的死人欲復活，我諸個身屍欲閣起來。倒佇塵埃者啊，恁著精神起來唱歌！因為你的露水親像草菜頂的露水，地亦欲交出陰魂。 |
| 26:20 | 我的百姓啊，恁著入密房，關你的門，匿霎仔久，聽候受氣過去。 |
| 26:21 | 因為耶和華對伊的所在出來，欲刑罰地上徛起的百姓的罪惡。地亦欲露出伊所有的血，無閣遮蓋受刣的人。 |
