走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 34:1 | 列國啊，恁著近前來聽！眾百姓啊，恁著俯耳孔來聽！地及伊所充滿的，世界及見若對伊來出的攏著聽！ |
|---|---|
| 34:2 | 因為耶和華受氣到列國，大受氣𪜶的全軍，擬定攏滅伊，將𪜶交互人刣。 |
| 34:3 | 𪜶受刣者的確㧒擲，身屍的臭味淐起來；諸個山受𪜶的血溶化。 |
| 34:4 | 天的萬象欲消無；天欲親像軸，捲起來。伊的萬象欲衰敗，親像葡萄樹的葉衰敗，閣親像無花果樹的衰敗一樣。 |
| 34:5 | 因為我的刀佇天裡已經飲夠額；看啊，此個刀欲到以東以及我所擬定欲滅無的百姓，來審判伊。 |
| 34:6 | 耶和華的刀有血滿滿，染著油及羊仔子，及山羊的血，以及公的綿羊腰子的油；因為耶和華佇波斯拉有祭祀，佇以東地有大刣人的事。 |
| 34:7 | 野牛欲及𪜶落來，牛仔及公的牛亦是按呢。𪜶的地因為血來醉；𪜶的土粉因為油來肥。 |
| 34:8 | 因為耶和華有報讎的日，為著錫安的案件有報應的年。 |
| 34:9 | 以東諸個溪欲變做瀝青，土粉欲變做硫磺；伊的地成做已經𤏸的瀝青。 |
| 34:10 | 暝日攏無熄，伊的煙永遠淐起來，代代拋荒，永遠無人經過。 |
| 34:11 | 鵜鶘、河豬欲得著做業；貓頭鷹、烏鴉欲踮佇彼中間。伊欲將荒廢的準繩，混沌的墜線，牽佇伊的頂面。 |
| 34:12 | 𪜶欲叫尊貴的人來治理國；佇遐攏無一個，貴族亦攏無。 |
| 34:13 | 𪜶的宮殿欲發莿帕；衛所欲發蒺藜及草茦；欲做山狗的穴，鴕鳥的巢。 |
| 34:14 | 野獸及豺狼相抵著；野山羊欲及伊的伴對叫。暝時的妖怪欲佇遐歇，家己尋安息的所在。 |
| 34:15 | 箭蛇欲佇遐作巢，生卵，孵卵，出子，閣聚集子佇伊的腹肚下；鷹鳥歸對聚集佇遐。 |
| 34:16 | 恁著講究耶和華的冊來讀伊。其中無欠一項，無一隻無匹配；因為我的嘴已經出命令，伊的神已經聚集𪜶。 |
| 34:17 | 伊亦為𪜶拈鬮，閣親手用準繩給𪜶分地；𪜶欲永遠得著伊做業，逐世代踮佇遐。 |
