走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 52:1 | 錫安啊，起來！起來！穿你的大氣力！聖城耶路撒冷啊，穿你娞的衣服！因為對今以後，無受割禮、無清氣的，的確無閣入你的中間。 |
|---|---|
| 52:2 | 耶路撒冷啊，著拂去塵埃！起來坐！錫安受掠的百姓啊，著解開你頷頸的鎖鍊！ |
| 52:3 | 耶和華按呢講：「恁受賣無提人錢，得著贖回亦無用銀。 |
| 52:4 | 主耶和華按呢講：起頭我的百姓落去埃及，佇遐寄腳，閣有亞述人無緣故壓制𪜶。 |
| 52:5 | 耶和華講：我的百姓既然無因端互人掠去，今我佇遮做甚麼啊？耶和華講：管轄𪜶的人嘩嘩哮啲叫，我的名通日受褻瀆。 |
| 52:6 | 所以，我的百姓欲知我的名；到彼日𪜶欲知啲講的就是我。看啊，是我！」 |
| 52:7 | 報好消息，傳和平，報福氣的好消息，傳救恩的，對錫安講：你的上帝做王啦！此人的腳上山頂到即娞！ |
| 52:8 | 聽啊，你守望的人的聲，𪜶出大聲，相及唱歌；因為耶和華倒來錫安的時，𪜶欲當頭對面看見。 |
| 52:9 | 耶路撒冷拋荒的所在啊，著出歡喜的聲，相及唱歌；因為耶和華安慰伊的百姓，救贖耶路撒冷。 |
| 52:10 | 耶和華佇萬國的目睭前伊的聖手；地極的人攏看見咱的上帝的拯救。 |
| 52:11 | 恁著離開伊！離開伊！對遐出來。莫得摸無清氣的物；對𪜶中間出來。恁扛耶和華器具的人啊，著家己清氣。 |
| 52:12 | 恁出來呣免著急，也呣免逃走。因為耶和華的確佇恁的頭前行；以色列的上帝的確做恁後面的保護。 |
| 52:13 | 看啊，我的奴僕欲用智慧行代誌，欲受舉起升高，閣欲成做真高。 |
| 52:14 | 多多人為你卬愕；伊的面貌比別人卡有損傷；伊的形狀比世間人卡有損害。 |
| 52:15 | 親像按呢，伊也欲激動多多國的百姓；列王欲對伊來掩𪜶的嘴。因為所未曾對𪜶講的，𪜶欲看見；未曾聽見的，𪜶欲明白。 |
