走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 56:1 | 耶和華按呢講：恁著守公平，行公義；因為我的救恩已經近，我的公義欲顯明。 |
|---|---|
| 56:2 | 人按呢行、世間人按呢持守伊，守安息日無干犯著；禁止家己的手無做歹；彼號人有福氣。 |
| 56:3 | 及耶和華聯合的外邦人莫得講：耶和華的確將我及伊的百姓分離。太監亦莫得講：看啊，我是枯焦的樹。 |
| 56:4 | 因為論到見若守我諸個安息日，揀我所歡喜的事，及持守我的約的太監，耶和華按呢講： |
| 56:5 | 諸個人我欲互𪜶佇我的厝，佇我的牆圍內，有記號有名字，比有子查某子卡好。我欲互伊永遠的名，𣍐會剪除。 |
| 56:6 | 猶有許個及耶和華聯合的外邦人，欲服事伊，欲疼耶和華的名，欲做伊的奴僕──見若守安息日無干犯，閣持守我的約的人。 |
| 56:7 | 我欲導𪜶到我的聖山，互𪜶佇祈禱我的厝來歡喜。𪜶的燒祭及禮物，佇我的壇頂的確得著接納，因為我的厝欲稱做萬百姓祈禱的厝。 |
| 56:8 | 主耶和華，就是招集以色列受趕散者，講：許個受招集的人以外，我猶欲招集別人來歸倚伊。 |
| 56:9 | 山野諸個獸攏著來吞食！樹林內諸個獸亦著按呢。 |
| 56:10 | 伊的守望者是睛暝，攏無智識，攏是啞口，𣍐吠的狗；獨獨眠夢，倒啲，愛睏。 |
| 56:11 | 諸個狗貪食，呣知飽。諸個牧者𣍐會明白──逐人行家己的偏路，逐個對各方面求家己的利益。 |
| 56:12 | 𪜶講：來啦！我去捧酒，咱飲厚酒到飽；明仔日欲親像今仔日，極大無比。 |
