走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 23:1 | 論推羅的默示：他施的船仔，恁著哀哭；因為推羅已經拋荒啦，甚至無厝宅，也無啲出入。對基提的地方有報𪜶此個消息。 |
|---|---|
| 23:2 | 海墘徛起的百姓啊，早時西頓的生理人過海互恁得著昌盛，今恁著靜靜無話。 |
| 23:3 | 佇大水的頂面，西曷的米糧，尼羅河的五穀是推羅所進入的；伊做列國的埠頭。 |
| 23:4 | 西頓啊，你著見誚；因為大海講，就是海墘的衛所講：我無懷孕，也無有生子，無有養飼查甫子，也無有撫養在室女。 |
| 23:5 | 此個風聲傳到埃及；𪜶欲為著推羅的風聲極其痛疼。 |
| 23:6 | 恁著過去他施；海墘徛起的百姓啊，恁著哀哭。 |
| 23:7 | 這是恁快樂的城嗎？伊的頂世代就是對古早以來，伊的腳曾徙伊到遠遠徛起。 |
| 23:8 | 是誰定著此個意思攻擊推羅啊？伊本是發出冕旒的。伊的生理人是王親：伊的買賣的是世上的貴族。 |
| 23:9 | 萬軍的耶和華定著伊！欲凌辱一切榮光的驕傲，互世上一切的貴族抵著看輕。 |
| 23:10 | 他施的百姓啊，你著遍行你的地方，親像尼羅河；無閣有拘束。 |
| 23:11 | 伊已經伸伊的手佇海裡，互列國振動。論到迦南，耶和華曾吩咐著毀壞伊的衛所。 |
| 23:12 | 伊講：你受凌辱的在室女，西頓的查某子啊，你的確無閣得著快樂啦。起來！過去基提；就佇遐也無得著安息。（ |
| 23:13 | 看啊，迦勒底人的地此個百姓今無啦，亞述人互伊做野獸徛起的所在。𪜶起𪜶的守更樓，毀壞𪜶的宮殿，互伊做拋荒。） |
| 23:14 | 他施的船隻啊，恁著哀哭，因為恁的衛所變做拋荒的所在。 |
| 23:15 | 當彼日，推羅欲互人𣍐記得歷過七十年，照一個王的日子。七十年後，推羅的景況欲親像妓女所唱的歌： |
| 23:16 | 你此個互人𣍐記得的妓女啊，提琴四界行城內，彈好聽唱多多，互人閣記得你。 |
| 23:17 | 七十年後，耶和華欲眷顧推羅，伊就欲閣趁錢，及世上的萬國交關。 |
| 23:18 | 伊的貨物及所趁的錢欲做聖歸互耶和華，無欲囥啲無欲積聚；因為伊的貨物欲互踮佇耶和華面前的人，互𪜶食飽，閣穿擋得久久的衫。 |
