走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 9:1 | 總是彼個曾受痛苦的地無閣踮佇黑暗。前上帝互西布倫及拿弗他利的地受看輕，後來就互沿海的路，約但的河外，外邦的加利利得著榮光。 |
|---|---|
| 9:2 | 行佇黑暗中的百姓看見大光；徛起佇死蔭的地的有光照𪜶。 |
| 9:3 | 你互此個國民多多，亦加添𪜶的歡喜；𪜶佇你的面前歡喜，親像收割的歡喜，親像人分所搶的物彼號的快樂。 |
| 9:4 | 因為伊所背重的軛，及肩頭頂的枴，以及壓制伊者的槌，你攏給伊遏折，親像佇米甸的日一樣。 |
| 9:5 | 因為交戰中穿甲的人的軍裝，及翱佇血內的衫，攏欲受燒，做燃火的柴。 |
| 9:6 | 因為有一個嬰仔為咱來出世；有一個子賞賜咱。伊欲負擔國政；伊的名稱做「奇妙謀士、全能的上帝、永遠佇啲的父、和平的人君」。 |
| 9:7 | 伊的國政及平安欲加添無窮盡。就是佇大衛的寶座及伊的國，欲用審判公義來建立伊保護伊，對今到永遠。萬軍的耶和華的熱心欲成此個事。 |
| 9:8 | 主發出一句話互雅各家，彼個話亦臨到以色列族。 |
| 9:9 | 此個眾百姓，就是以法蓮及徛起佇撒瑪利亞者，攏欲知；𪜶照𪜶驕傲自大的心講： |
| 9:10 | 磚甓已經倒，阮欲拍石來起；桑材樹已經剉，阮欲用柏香樹來替換。 |
| 9:11 | 所以，耶和華欲起利汛的對敵來攻擊伊，亦欲激動伊的對敵。 |
| 9:12 | 東有亞蘭人，西有非利士人；𪜶開嘴吞食以色列。雖然按呢，耶和華的受氣猶未消；伊的手猶久伸啲。 |
| 9:13 | 此個百姓猶原無歸向拍𪜶的主，亦無尋萬軍的耶和華。 |
| 9:14 | 所以，耶和華佇一日的中間，欲對以色列斬斷頭及尾，棕樹枝及蘆葦── |
| 9:15 | 老大及尊貴的人就是頭，用白賊話教示人的先知就是尾。 |
| 9:16 | 因為，引導此個百姓者互𪜶行差路；互𪜶引導者攏受吞滅。 |
| 9:17 | 所以，主無歡喜𪜶的少年人，亦無欲憐憫𪜶的孤兒寡婦；因為，逐人是褻瀆者，是行歹者，閣逐人的嘴攏是講戇話。雖然按呢，耶和華的受氣猶未消；伊的手猶原伸啲。 |
| 9:18 | 因為邪惡親像火𤏸，燒滅莿帕及蒺藜，閣𤏸佇艷艷的樹林，成做煙柱，轉踅淐上高。 |
| 9:19 | 因為萬軍的耶和華的大受氣，地遍遍受燒，百姓成做火𤏸的柴；兄弟無相可憐。 |
| 9:20 | 人正旁搶提，猶原是枵，倒旁吞咬，猶原𣍐飽；逐人咬伊家己手骨的肉。 |
| 9:21 | 瑪拿西攻以法蓮；以法蓮攻瑪拿西，二族合攻猶大。雖然按呢，耶和華的受氣猶未消；伊的手猶久伸啲。 |
