走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 33:1 | 災禍啊！你此個搶奪人者，家己無受搶奪；行代誌詭詐者，人無用詭詐款待你。你搶奪抵仔息，家己欲受搶奪；你行詭詐抵仔息，人欲用詭詐款待你。 |
|---|---|
| 33:2 | 耶和華啊，求你施恩互阮；阮聽候你。求你逐早起做阮的手，抵著患難的時做阮的拯救。 |
| 33:3 | 喧嘩的聲一下發，眾百姓逃走；你一下起來，列國四散。 |
| 33:4 | 恁所搶的欲互人收拾，親像剪仔蟲的收拾物。人走去遐，親像草蜢跳來跳去。 |
| 33:5 | 耶和華受尊做高，因為伊踮佇高的所在；伊用公平公義充滿錫安。 |
| 33:6 | 你一生一世欲得著安穩——，有豐盛的救恩，及智慧及知識；敬畏耶和華做你的寶貝。 |
| 33:7 | 看啊，𪜶的豪傑佇外面哀傷；求和的使者痛心啼哭。 |
| 33:8 | 大路拋荒，攏無人過路；伊背約，看輕諸個城，無要緊百姓。 |
| 33:9 | 地上悲哀衰退；黎巴嫩見誚枯焦；沙崙親像曠野；巴珊及迦密的樹木落光光。 |
| 33:10 | 耶和華講：今我欲起來；今我欲興起；今我欲家己高。 |
| 33:11 | 恁懷孕粗糠，來生稻稿；恁的氣欲親像火來吞滅恁。 |
| 33:12 | 列邦欲親像已經燒的石灰，親像已經割的莿帕受燒佇火中。 |
| 33:13 | 恁遠的人著聽我所行的；恁近的人著知我的大權能。 |
| 33:14 | 錫安中的罪人攏驚惶；無敬虔的人欲直直惙。咱中間是誰會及吞滅的火相及住？咱中間是誰會及永遠的燒毀相及住啊？ |
| 33:15 | 行代誌公義、講話正直、怨恨勒索的財利、搖手無受賄賂、塞密耳孔無聽流血的話，瞌目睭無看歹代者， |
| 33:16 | 伊欲踮佇高的所在；堅固的石磐做伊的衛所；欲有米糧供給伊；伊的水的確𣍐絕斷。 |
| 33:17 | 你的目睭欲看見王的娞，欲看見開闊的地。 |
| 33:18 | 你的心欲數念彼個驚惶的事，管數者佇叨落？秤貢銀者佇叨落？算守更樓者佇叨落？ |
| 33:19 | 你的確無看見強猛的百姓，就是講話聽，你𣍐明白，言語狋哞狋嘵，你𣍐曉得的。 |
| 33:20 | 你著看錫安──咱守聖節的城！你的目睭欲看見耶路撒冷做安靜的厝宅，做無移徙的布棚，伊的杙永無拔出，伊的索攏無斷。 |
| 33:21 | 佇遐，耶和華欲顯明威嚴及咱相及佇啲，親像江河開闊的地；彼中間的確無有划槳的船往來，亦無有威風的船經過。 |
| 33:22 | 因為，耶和華是咱的審判司；耶和華是給咱設律法者；耶和華是咱的王；伊欲拯救咱。 |
| 33:23 | 你的帆索攏徛去；船桅徛𣍐在，風帆捙𣍐起來。彼時多多搶來的物互人分去；跛腳的亦搶著物。 |
| 33:24 | 徛起的百姓的確無講：我有破病；其中徛起的百姓，罪過攏赦免。 |
