走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 17:1 | 論大馬色的默示：看啊，大馬色已經受廢棄，無閣做城，的確變做瓦片坯的堆。 |
|---|---|
| 17:2 | 亞羅珥的城已經受放拺，的確成做飼羊的所在；羊倒佇遐，無人拍驚𪜶。 |
| 17:3 | 以法蓮的山寨；大馬色的國權；亞蘭所剩的百姓，攏欲親像以色列的榮光無去。這是萬軍的耶和華講的。 |
| 17:4 | 到彼日，雅各的榮光欲衰薄；伊的肥的身體欲消瘦。 |
| 17:5 | 就欲親像收割的人收五穀，用手割許個穗，閣親像人佇利乏音的山谷拾麥屑。 |
| 17:6 | 𪜶中間所剩的無偌多，親像人摃橄欖樹──佇第一高的枝尾只有二三粒；佇果子樹伸遠的枝尾只有四五粒。這是耶和華──以色列的上帝講的。 |
| 17:7 | 當彼日，人欲仰望造化伊的主，目睭欲觀看以色列的聖者。 |
| 17:8 | 𪜶無閣仰望家己的手所起的祭壇，無閣觀看家己的指頭仔所做的柴柱，抑是日的像。 |
| 17:9 | 佇彼日，𪜶堅固的城欲親像樹林內及山尾溜所棄拺的所在，就是𪜶早前佇以色列人的面前所棄拺的。按呢，地就拋荒。 |
| 17:10 | 因為你𣍐記得救你的上帝，無記念做你的氣力的石磐；所以，你栽真心適的樹仔栽，亦種別樣的種。 |
| 17:11 | 栽種的日，你給伊圍籬笆，到早起時互你所種的開花；總是佇憂苦絕望痛疼的日，所收割的攏飛咧去。 |
| 17:12 | 聽啊！有多多百姓的聲，𪜶嘩嘩哮親像海的嘩嘩哮；有列國的走，𪜶走親像大水的走； |
| 17:13 | 列邦走，親像多多水的走；總是上帝喝𪜶，𪜶就走去遠遠，閣受追趕，親像山頂風前的粗糠，閣親像大風頭前啲捲的物。 |
| 17:14 | 下昏時有驚惶，天猶未光𪜶就無去。這是搶阮的人所得著的份，是劫阮的人的報應。 |
