走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 6:1 | 當烏西亞王死彼年，我看見主坐佇高高的寶座。伊的衣服垂落滿殿。 |
|---|---|
| 6:2 | 佇伊的頂面有西拉兵跟隨啲徛，各有六個翅：用二個翅遮面，二個翅遮腳，二個翅啲飛； |
| 6:3 | 此個唱彼個和講：聖哉！聖哉！聖哉！萬軍的耶和華；伊的榮光充滿全地！ |
| 6:4 | 門框因為唱和的聲來振動，殿就有煙雲滿滿。 |
| 6:5 | 彼時我講：「我有災禍啊！我滅無啦！因為我是嘴唇無清氣的人，閣踮佇嘴唇無清氣的百姓中，因為我目睭有看見王──萬軍的耶和華。」 |
| 6:6 | 有一個西拉兵飛來倚我，伊的手提熱熱的炭，是用火鉗對壇頂提來的。 |
| 6:7 | 將炭下佇我的嘴，講：「看啊，此個下佇你的嘴唇，你的罪過就除去，你的罪惡就赦免。」 |
| 6:8 | 我閣聽見主的聲講：「我通差是誰啊？是誰欲為阮去？」我就講：「我佇遮，通差我！」 |
| 6:9 | 伊講：「你去給此個百姓講：恁聽是欲聽，總是𣍐明白；看是欲看，總是𣍐曉得。 |
| 6:10 | 互此個百姓心鈍，耳孔重，目睭瞌密；免得𪜶用目睭看見，用耳孔聽見，心曉悟，越倒轉來得著醫好。」 |
| 6:11 | 我就講：「主啊，這欲偌久啊？」伊講：到諸個城拋荒，無人徛起，厝內無人，土地極其拋荒。 |
| 6:12 | 閣到耶和華遷徙許個人到遠遠，此個地多多放下啲。 |
| 6:13 | 佇彼中間若猶剩十份的一份，亦欲受吞滅，親像栗樹、橡樹雖然剉起來，總是樹頭猶留啲。按呢有此個聖的後裔就是彼個樹頭。 |
