走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 63:1 | 此個對以東來，對波斯拉到，穿紅衫，衣裳行伍，有大氣力大步啲行的是是誰啊？就是我，是照公義講話，有大氣力會行拯救者。 |
|---|---|
| 63:2 | 你的衣裳怎樣有紅色？你的衣服怎樣親像踏酒窟者啊？ |
| 63:3 | 我家己一個踏酒窟；眾百姓的中間無一人及我佇啲。我受氣踏𪜶，大受氣徛踏𪜶。𪜶的血濺佇我的衫，閣染垃墋我一切的衣裳。 |
| 63:4 | 因為報讎的日佇我的心內；我救贖我的百姓的年已經到。 |
| 63:5 | 我看，也無幫助者；我卬愕，因為無有扶持者。所以，我家己的手給我行拯救；我的大受氣給我扶持。 |
| 63:6 | 我受氣，踏列邦；大受氣，互𪜶醉醉，互𪜶的血流佇地裡。 |
| 63:7 | 我欲照耶和華一切所賞賜咱的，講起耶和華的慈愛及耶和華的名聲，及伊向以色列家所施的大恩；就是照伊的憐憫及豐盛的慈愛賞賜𪜶的。 |
| 63:8 | 因為伊講：𪜶真正是我的百姓，無行虛假的子兒；按呢，伊就做𪜶的救主。 |
| 63:9 | 佇𪜶一切的苦難中，伊也同受苦難；閣伊面前的使者拯救𪜶；伊用慈愛及憐憫救贖𪜶；佇古早的日常常抱𪜶，懷𪜶。 |
| 63:10 | 總是𪜶悖逆，互伊的聖神憂悶。伊就反轉做𪜶的對敵，本身來攻擊𪜶。 |
| 63:11 | 百姓就記得古早摩西的日，講：導𪜶及伊全群的牧者對海裡出來的，佇叨落啊？將伊聖的神下佇𪜶中間者佇叨落啊？ |
| 63:12 | 互伊榮光的手佇摩西的正手行動，佇𪜶的面前將水分開，欲為著家己立永遠的名， |
| 63:13 | 導𪜶經過海中，親像馬行佇曠野，互𪜶無著觸者，佇叨落啊？ |
| 63:14 | 耶和華的神互𪜶得著安息，親像精牲落到山腳；按呢，你亦導你的百姓，為著家己建立榮光的名。 |
| 63:15 | 求你對天俯落看，對你聖潔榮光的所在看。你的熱心及你大權能的所做佇叨落啊？你疼痛的心腸及憐憫對我停止。 |
| 63:16 | 亞伯拉罕雖然呣識阮，以色列呣認阮，總是你是阮的父。耶和華啊，你是阮的父；對萬古以來，你的名稱做「救贖阮的主」。 |
| 63:17 | 耶和華啊，你啥事互阮行錯離開你的路，互阮的心硬，無敬畏你啊？求你為著你的奴僕，為你的產業支派的緣故，倒轉來。 |
| 63:18 | 你聖的百姓不過暫時得著此個產業；阮的對敵已經徛踏你的聖所。 |
| 63:19 | 阮親像對古早未曾互你治理的人，親像未曾用你的名來稱呼者。 |
