經上記著說:『人活著,不是單靠食物,乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本:台語和合本 -
8:1 | 耶和華對我講:「你提一個大的牌,用人通行的字來寫,論起『瑪黑珥.沙拉勒.哈施罷斯』。 |
---|---|
8:2 | 我欲叫誠實的干證,就是祭司烏利亞及耶比利家的子撒迦利亞來做干證。」 |
8:3 | 我及先知娘同房;伊懷孕生子,耶和華就對我講:「給伊號名叫瑪黑珥.沙拉勒.哈施罷斯; |
8:4 | 因為此個嬰仔𣍐曉叫阿爸、阿母的代先,大馬色的財寶及撒瑪利亞受搶的物攏搬佇亞述王的面前。」 |
8:5 | 耶和華閣對我講: |
8:6 | 「因為此個百姓厭賤西羅亞慢慢流的水,歡喜利汛及利瑪利的子; |
8:7 | 所以,主欲互彼個河真大真雄的水流來淹𪜶,就是亞述王及伊一切的榮光,欲𨃟過伊一切的水溝,漲滿伊諸個岸; |
8:8 | 欲沖入猶大,漲滿四界淹,高到頷頸。以馬內利啊,伊的翅展開,遍滿你的地。」 |
8:9 | 列國的百姓啊,出在恁喧嘩,到尾的確破壞;遠的人啊,著俯耳孔來聽!出在恁縖腰,的確欲破壞;出在恁縖腰,的確欲破壞。 |
8:10 | 出在恁設計謀,的確歸空空;出在恁議論,的確𣍐成立;因為上帝及阮佇啲。 |
8:11 | 耶和華用大權能的手,指示我用話警戒我講,呣通行此個百姓所行的路,對我講: |
8:12 | 「此個百姓所講叫做結黨的,恁莫得講做結黨。𪜶所驚的,恁莫得驚,亦莫得愞。 |
8:13 | 獨獨著尊萬軍的耶和華做聖,伊是恁所著驚者,所著愞者。 |
8:14 | 伊欲做聖所,亦欲向以色列二家做跋倒人的石,塞礙人的石磐;向耶路撒冷徛起的百姓做活罩及羅網。 |
8:15 | 多多人欲佇彼頂面著觸跋倒,跋到碎碎,亦互伊網著掠著。」 |
8:16 | 你著將干證的話捲緊緊,封密律法佇我學生的中間。 |
8:17 | 我欲聽候耶和華就是家己掩伊的面佇雅各的家者;我亦欲向望伊。 |
8:18 | 看啊,我及耶和華所互我的子,攏是萬軍的耶和華踮佇錫安山的,所用做兆頭記號佇以色列中者。 |
8:19 | 若有人對恁講:「恁著去問童乩及行邪術者,𪜶的聲音嘰嘰叫叫,言語細細。」著應講:「百姓豈呣著問伊的上帝嗎?豈通為活人去問許個死者嗎?」 |
8:20 | 人著照律法及干證的話;若無趁此個話來講,就𣍐得著看見早起時的光。 |
8:21 | 𪜶欲經過此個地,受艱苦,受枵餓;枵餓的時,心內家己受氣,咒詛𪜶的王及𪜶的上帝。 |
8:22 | 抬頭看天,俯落看地,無拍算,一盡是艱苦、黑暗,及痛苦的黑暗。受趕佇黑黑暗暗的內面。 |