走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 2:1 | 亞摩斯的子以賽亞，所得著論猶大及耶路撒冷的默示。 |
|---|---|
| 2:2 | 到許個日的了後，耶和華殿的山欲建立佇諸個山的頂面，𨃟過攏總的山嶺；萬國攏欲來歸伊。 |
| 2:3 | 有多多國的百姓欲去，講：來啊，咱上耶和華的山，到雅各的上帝的殿。伊欲用伊的道路教示咱；咱亦欲行伊的路。因為律法欲對錫安出；耶和華的話欲對耶路撒冷傳播。 |
| 2:4 | 伊欲佇列國中來審判，為著多多百姓來解決。𪜶欲將𪜶的刀拍做犁頭，將𪜶的槍拍做鐮仔。此國無抬刀攻擊彼國；𪜶亦無閣學習交戰。 |
| 2:5 | 雅各的家啊，著來！咱著佇耶和華的光明中來行。 |
| 2:6 | 耶和華，你有放拺你的百姓雅各的家，因為𪜶充滿東方的風俗，行邪術的，親像非利士人，也及外邦人結約。 |
| 2:7 | 伊的地有金銀滿滿，伊的財寶𣍐算得；伊的地有馬滿滿，伊的車也𣍐算得。 |
| 2:8 | 伊的地有偶像滿滿；𪜶跪拜家己手所造的，就是家己的指頭仔所做的。 |
| 2:9 | 卑賤者屈落；尊貴者降低；你莫得赦免伊。 |
| 2:10 | 你著入石洞，匿佇土裡，閃避耶和華的顯赫及伊威嚴的榮光。 |
| 2:11 | 到彼日，目頭高的人欲降做低；驕傲的人欲受屈落；獨獨耶和華至尊無對。 |
| 2:12 | 因為萬軍的耶和華有一日，欲攻擊一切驕傲自高者，及一切升高者攏降做低； |
| 2:13 | 閣攻擊黎巴嫩一切高大的柏香樹及巴珊一切的橡樹； |
| 2:14 | 閣攻擊一切的高山及一切大的山嶺； |
| 2:15 | 閣攻擊一切的高台及一切堅固的城牆； |
| 2:16 | 閣攻擊他施一切的船隻及一切通意愛娞的物。 |
| 2:17 | 驕傲的人欲受屈落；自高的人欲降做低。佇彼日，獨獨耶和華至尊無對； |
| 2:18 | 偶像欲做一下無去。 |
| 2:19 | 耶和華起來，互地大振動的時，人就入石洞，入土孔，閃避耶和華的顯赫及伊威嚴的榮光。 |
| 2:20 | 到彼日，人欲將所造來拜銀的偶像、金的偶像㧒互田鼠及蜜婆。 |
| 2:21 | 到耶和華起來，互地大振動的時，人欲入石磐縫及山洞，閃避耶和華的顯赫及伊威嚴的榮光。 |
| 2:22 | 恁莫得倚靠世間人。不過有一條氣佇鼻孔；通算做甚麼啊？ |
