走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 28:1 | 災禍啊！以法蓮的醉漢，驕傲的冕旒，及伊娞的妝飾啲謝的花，就是戴佇許個互酒所困苦者，𪜶的肥的山谷的頭。 |
|---|---|
| 28:2 | 看，主有一個大權能大氣力者，親像一陣的大雹，親像毀滅的狂風，親像洶流的大水，伊欲用大力㧒伊佇地裡。 |
| 28:3 | 以法蓮的醉漢，驕傲的冕旒欲受踏佇腳下。 |
| 28:4 | 伊娞的妝飾啲謝的花，就是佇肥的山谷的頭，欲親像夏天以前起頭熟的無花果；見若看見的就注意看，一下到手就吞落去。 |
| 28:5 | 當彼日，萬軍的耶和華欲做伊許個所剩的百姓榮光的帽、娞的冕旒。 |
| 28:6 | 亦做坐位來審判者公義的神，亦做城門口拍退對敵者的氣力。 |
| 28:7 | 獨獨此號人對酒來差謬，對厚酒來迷路。祭司及先知攏對厚酒來差謬，互酒所吞食，對厚酒來迷路。對佇默示就差錯，對佇審判無平穩。 |
| 28:8 | 因為逐塊桌垃墋吐到滿滿，無一位清氣。 |
| 28:9 | 伊欲用智慧教示是誰啊？欲互是誰明白所傳的啊？是彼號抵仔斷奶離開胸前的嗎？ |
| 28:10 | 因為命令閣命令，命令閣命令，律例閣律例，律例閣律例，此位淡薄，彼位淡薄。 |
| 28:11 | 𣍐啦，主欲用別樣的嘴唇及無像類的舌，對此個百姓講話。 |
| 28:12 | 伊曾對𪜶講：此個就是安息，恁著互厭倦的人得著安息，閣講此個就是快活，總是𪜶呣肯聽。 |
| 28:13 | 所以，耶和華對𪜶講的話，是命令閣命令，命令閣命令，律例閣律例，律例閣律例，此位淡薄，彼位淡薄，致到𪜶去就向後跋倒，閣跋到碎碎，陷落羅網受掠著。 |
| 28:14 | 所以，恁諸個侮慢的人，就是管轄踮佇耶路撒冷諸個百姓者，著聽耶和華的話。 |
| 28:15 | 因為恁曾講：阮及死無立約，及陰府結盟；災禍大流行的時的確無到佇阮，因為阮用白賊做閃避的所在，佇虛假的所在家己匿。 |
| 28:16 | 所以，主耶和華按呢講：看啊，我佇錫安下一塊石做地基，是已經試驗的石，堅固的地基，寶貴的厝角；倚靠伊的人的確無著急。 |
| 28:17 | 我欲用公平做準繩，用公義做墜線，冰雹欲拍倒虛假閃避的所在；大水欲淹密閃匿的所在。 |
| 28:18 | 恁及死無所立的約的確廢無，及陰府所結的盟的確徛𣍐住。災禍大流行的時恁欲受伊徛踏； |
| 28:19 | 逐擺經過欲將恁掠去。因為逐早起伊欲經過，無閬日暝。明白所傳的干單驚惶。 |
| 28:20 | 眠床短，互人𣍐伸直；棉被狹，互人蓋𣍐密。 |
| 28:21 | 因為耶和華欲起來，親像佇毗拉心山；伊欲受氣，親像佇基遍的山谷，通做伊的工，就是罕得做的工；通成伊的事，就是奇異的事。 |
| 28:22 | 今恁呣通侮慢，驚了縛恁的索捆卡緊；因為我對主──萬軍的耶和華聽見，已經決斷欲佇全地上行所定著滅無的事。 |
| 28:23 | 恁著俯耳孔聽我的聲，留心聽我的話。 |
| 28:24 | 彼個犁園欲撒種的，豈是常常啲犁嗎？豈是常常啲掘來耙伊的土嗎？ |
| 28:25 | 伊已經創平土面，豈無撒八角，栽花麻，照畷種小麥，佇定著的所在種大麥，佇園邊種粗麥嗎？ |
| 28:26 | 因為伊的上帝用合宜的法度指點伊，閣教示伊。 |
| 28:27 | 八角呣是用利的器具拍的，麻芹呣是用車輪碖的，就是用槌仔拍八角，用枴仔拍花芹。 |
| 28:28 | 做餅的五穀豈夾互伊碎嗎？無啦，無長長拍伊；雖然用車輪、馬蹄拍散伊，亦無互伊碎去。 |
| 28:29 | 這亦出佇萬軍的耶和華──伊的計劃奇妙；伊的智慧闊大。 |
