走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 11:1 | 對耶西的樹頭欲發一支芛；對伊的根所生的枝欲結果子。 |
|---|---|
| 11:2 | 耶和華的神欲踮佇伊，就是智慧及聰明的神，計劃及能力的神，智識及敬畏耶和華的神。 |
| 11:3 | 伊欲掠敬畏耶和華做歡喜；伊呣是憑目睭所看見來審判，亦呣是憑耳孔所聽見來擬斷； |
| 11:4 | 伊欲用公義審判喪鄉人，用正直擬斷世上謙卑的人，用嘴中的柺拍世界，用嘴唇的氣刣死歹人。 |
| 11:5 | 公義欲做伊的腰帶；信實欲做伊的身軀的帶。 |
| 11:6 | 豺狼欲及綿羊仔相及住，豹及山羊子相及倒啲；牛仔及細隻獅及肥的精牲；最細漢的囝仔欲牽𪜶。 |
| 11:7 | 牛及熊欲相及食；𪜶的子欲相及倒啲；獅欲食草親像牛。 |
| 11:8 | 食奶的囝仔欲thit-tho佇惡蛇的孔口；斷奶的囝仔欲下手佇毒蛇的穴。 |
| 11:9 | 佇我的聖山的遍地，的確無損傷無陷害；因為認識耶和華的知識欲充滿地上，親像水淹滿佇洋海。 |
| 11:10 | 到彼日，耶西的根頭吚a做萬百姓的大旗；列邦欲歸倚伊，伊安息的所在有大榮光。 |
| 11:11 | 當彼日，主欲第二擺伸手救贖伊的百姓中所剩者，對亞述、埃及、巴忒羅、古實、以攔、示拿、哈瑪，及眾海嶼倒來。 |
| 11:12 | 伊欲向列國吚a大旗，招集以色列受趕散的人，聚集猶大四散的人，對地的四極來。 |
| 11:13 | 以法蓮的怨妒欲消無；猶大的對敵欲除滅。以法蓮無欲怨妒猶大，猶大無欲對敵以法蓮。 |
| 11:14 | 𪜶欲向西飛去，拍佇非利士人的肩頭頂，相及搶東方的人，伸手佇以東及摩押；亞捫族亦欲順服𪜶。 |
| 11:15 | 耶和華欲互埃及海的港乾去，用大風拽伊的手佇大河的頂面，互河分做七條，人拖鞋會得過去。 |
| 11:16 | 為著伊所剩的百姓，就是對亞述剩倒來者，欲有一條大路，親像當日為著以色列對埃及地上來者一樣。 |
