走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 38:1 | 許個日的中間希西家破病啲欲死，亞摩斯的子先知以賽亞去見伊，對伊講：「耶和華按呢講：你著設法你的家事，因為你啲欲死𣍐活。」 |
|---|---|
| 38:2 | 希西家就越轉面向壁，祈禱耶和華講： |
| 38:3 | 「耶和華啊，求你記念我佇你的面前怎樣存完全的心，照誠實來行，閣做你所看做好的。」希西家就大聲啼哭。 |
| 38:4 | 對按呢耶和華的話臨到以賽亞講： |
| 38:5 | 「你去給希西家講，你的祖大衛的上帝──耶和華按呢講：我已經聽見你的祈禱，看見你的目屎。看啊，我欲加添你的歲壽十五年； |
| 38:6 | 閣我欲救你及此個城脫離亞述王的手，亦欲保護此個城。 |
| 38:7 | 「耶和華欲成伊所講的。這是耶和華欲互你的兆頭， |
| 38:8 | 看啊，亞哈斯的日晷，隨日進前的影我欲互伊退後十度。」對按呢，進前的日影，果然佇日晷的頂面退後十度。 |
| 38:9 | 猶大王希西家破病已經好，就做詩講： |
| 38:10 | 我講：抵抵佇我中年的日欲入陰間的門；𣍐得通享受我猶剩的年。 |
| 38:11 | 我講：我𣍐見著耶和華，就是佇活人的地𣍐見著耶和華；我𣍐得通及踮地上的百姓相及看人的面。 |
| 38:12 | 我徛起的所在受遷徙離開我，親像顧羊的人的布棚一樣；我將生命捲起來，親像織布的人捲布一樣。伊欲將我對布機頭剪斷，對早起到下昏，你欲互我結局。 |
| 38:13 | 我互家己安靜到天光；伊親像獅遏折我一切的骨頭，對早起到下昏，你欲互我結局。 |
| 38:14 | 我親像燕仔，親像白鶴狋哞狋嘵；閣親像鳩鵻哀叫；我因為抬頭看，目睭煙暈。耶和華啊，我受壓制，求你給我保認。 |
| 38:15 | 我欲講甚麼啊？伊給我講的，亦給我成啦。我因為心內的苦楚，佇一生的年日欲緩緩仔行。 |
| 38:16 | 主啊，人得著活是在佇諸個。我的心神活啲亦攏是對按呢。所以求你互我閣好，猶原活啲。 |
| 38:17 | 看啊。我受真大的艱苦，是為著欲互我得著平安；你因為疼我的靈魂就救我脫離滅無的坑，因為你將我一切的罪，㧒佇你的尻脊後。 |
| 38:18 | 因為陰間𣍐會感謝你，死無𣍐會謳咾你；落墳墓的人𣍐會向望你的誠實。 |
| 38:19 | 只有活人，活人欲感謝你，親像我今仔日感謝你一樣。做老父的，欲互子兒知你的誠實。 |
| 38:20 | 耶和華便便欲救我，所以，阮在生的日欲佇耶和華的厝，用絲弦的樂器唱我的詩歌。 |
| 38:21 | 以賽亞曾講：「著提一塊無花果餅，來貼佇仔，王就得著好。」 |
| 38:22 | 希西家也曾講：「我會上耶和華的厝，有甚麼兆頭？」 |
